西布朗夠料o趙史篤城

猪拉多纳

28/08/2011
文： 肥叔

今晚英超矚目大戰曼聯火併阿仙奴，初盤「紅魔鬼」讓到一球、球半，曼聯今季進步好快，今場絕對有得贏，但個盤太辣，不宜捧場。阿仙奴上場歐聯對烏甸，大戶連買四、五浸烏甸，點知「兵工廠」都頂得住，證明班波衰唔晒，呢場兩隊鬥砌，大盤值得留意。


湊熱鬧捧愛隊馬略卡


另外，西甲擾攘一輪終於踢番，有賽事改於黃昏六點開波，目的係開拓亞洲市場，特別係大中華市場。現時歐洲經濟好曳，已經無法從中牟利，所以各地賽事都要向新興市場發展，今時今日個個都行呢條路，完全係大勢所趨。趁西甲開咧湊吓熱鬧先，馬略卡主場對愛斯賓奴，捧愛隊馬略卡。


西布朗對曼車有料到


講番今次重心推介，西布朗主場對史篤城，捧主隊！西布朗開季頭兩場聯賽輸晒，但對手係曼聯同車路士，球隊踢落不落下風，只係質不如人，輸波都冇輸士氣。睇番西布朗整體人腳，評級應屬英超中游，今次主場對史篤城，預計可以順利開齋。




（有線201及301台周日晚10時直播）




同日熱刺大戰曼城，熱刺歐霸盃首回合優勢大，上周中次回合求其派班後備踢，已經部署好對付曼城，兩班波現時級數差距唔遠，曼城作客讓波過火，呢場揀下盤兼大盤。