海倫芬狂瀉衰多鋪

猪拉多纳

28/08/2011
文： 巨高

最近有唔少靚女都投身賽車運動，最近北美就爆出一位年僅十七歲女車手美雅絲。呢個妹妹認真夠膽，有四個轆唔玩走去揸電單車，小妮子金髮飄飄，面上仲有多少babyfat，睇落完全唔似一位職業車手，但當佢着起賽車皮革，伏上部電單車油箱，你就知佢有幾專業。基於MotoGP將於美國舉行其中一個分站賽事，美雅絲得到鈴木廠隊邀請，借部Prototye戰車畀佢飛幾個圈，見佢入彎搬身飛跪都做得幾順，相信落過唔少苦功。


美少女車神挑戰MotoGP


其實美雅絲都炒過無數次車，手指及手腕亦曾經骨斷，不過佢話受傷係賽車一部分，唔會因為少少受傷就放棄賽車事業，而佢嘅目標就係成為最高級別嘅MotoGP車手。如果單以比賽成績計，美雅絲短期內好難達成目標，但正所謂「靚女總有市場」，唔少車廠都考慮簽佢以收宣傳效果，當中包括川崎以及鈴木。




今晚荷甲飛燕諾主場對海倫芬，客軍連續兩場共失十球，相反飛燕諾今季回勇，可望於主場大勝對手，一於捧「讓球主勝」。




（周日晚8時30分開賽）