馬拉加有作「維」撐「客勝」

猪拉多纳

28/08/2011
文： 朱楓

新一季西甲除咗睇巴塞皇馬，大家記住仲要留意馬拉加呀！事關佢哋今季買入多位世界級球星，搖身一變成為「西甲曼城」，今晚西甲首戰作客啱啱踢完歐霸盃元氣大傷嘅西維爾，絕對有力保不敗開1.68倍「讓球客勝」！（now632及660台周一凌晨4:00直播）




自從上季獲卡塔爾富豪入主後，馬拉加先後引入前皇馬教練比歷連奴同巴迪斯達，估唔到今季再癲到豪使5,800萬歐元（約6.5億港元）增兵，買入前鋒雲尼斯達萊、中場祖亞昆、辛迪卡索拉同中堅馬菲臣等多位極具質素球員，從佢哋季前8場熱身賽獲7勝1負嚟睇，「西甲曼城」今季應該有一番作為，難得受讓真係唔好錯過！


西維爾剛於歐霸盃出局


西維爾今季大換血，改由前桑坦德教練馬些連奴領軍，踢走中場迪亞高卡普同索高拿，改簽德國中場杜查奧斯基同基達菲前鋒迪摩奴，但暫時效果只係一般，日前更喺歐霸盃附加賽被漢諾威踢出局，對體力同信心都有影響，今晚對住來勢洶洶嘅馬拉加，真係未必頂得住！