米爾頓凱恩斯英錦賽打骰

猪拉多纳

30/08/2011
文： ComboKing

周中有唔少盃賽，包括英格蘭聯賽錦標第一圈，呢項賽事只係畀英甲及英乙球隊參與，由於足總盃及聯賽盃多數由英超勁旅壟斷，甲組及乙組仔想捧盃，惟有寄望英錦賽，競爭程度激烈。英甲榜首米爾頓凱恩斯早前於英格蘭聯賽盃淘汰英超諾域治，成為「盃賽殺手」，今晚主場對賓福特，相信難佢哋唔到，主勝1.9倍抵玩。（周三凌晨2時45分開賽）


六連勝氣勢勁


米爾頓凱恩斯狀態大勇，取得六連勝，包括聯賽盃大勝英超諾域治四比○，真係唔講得笑，呢場勝仗大大提升球隊信心，依家轉戰水準較低嘅英錦賽，有虎入羊群之勢，冇理由失拖。至於賓福特雖然係上屆英錦賽亞軍，但佢哋喺聯賽盃被低一級嘅乙組赫里福特聯淘汰，演出好唔穩定，當然信米軍好過。




另一場英錦賽都係由英甲球隊對壘，斯肯索普主場對哈特普爾，斯肯索普喺聯賽五戰未開齋，實在無力分心兼顧盃賽，捧受讓嘅哈特普爾讓球客勝。另外，南球盃第二圈首回合，兩支阿甲球隊交手，沙蘭迪兵工廠主場對學生隊，兩軍近期入波偏少，要入球細為妙。