布里斯托討債「特」爽

猪拉多纳

30/08/2011
文： 麥馬拿仁

今晚三場英格蘭聯賽盃第二圈賽事，拿仁強捧布里斯托流浪，球隊作客奧連特受讓抵捧。布軍本季降落英乙，之前兩季畀奧連特恰慣，四次英甲對賽輸晒。但風水輪流轉，奧軍近期四連敗失十一球散晒，反觀布軍本季作客不敗，必乘機報仇，有得受讓強捧「讓球客勝」！（周三凌晨2時45分開賽）


奧連特輸到慌讓唔起


布托流浪上季於英甲終於捱唔住，只能以第廿二名衝過終點，本季跌落乙組，其中聯賽兩敗於奧連特好關鍵。但留得青山在，哪怕無柴燒，本季佢哋於英乙表現唔曳，兩次作客一勝一和，狀態不俗。而上季排第七嘅奧連特，本季就非常折墮，開咧連英甲、盃賽在內六戰一和五負，後防仲好似食咗瀉藥一樣瘋狂失波。球隊已經輸到慌，今場就算出強陣都冇本錢讓波，布托流浪贏埋唔奇，「讓球客勝」好路。




另外一場英冠修咸頓作客乙組仔史雲頓，雖然「聖人」剛於聯賽被李斯特城終止五連勝強勢，但就算今仗派二線兵出戰，仍足夠解決史雲頓有餘，「客勝」有計。