借題發揮:身處五班光芒四射

猪拉多纳

　　文廐「光芒四射」落到五班，點會冇優勢，如果唔係受到傷患影響，上季斷唔會表現平平，如果今季搞番好，喺班內中長途賽事，根本冇乜對手可以同佢爭一日之長短。

賽績唔簡單

　　前季尾，此駒仲可以縮至短途入圍，輸畀「錢照贏」及「勁高手」，在路程不合之下，仍可交出水準，初次加配件或者係成因，但唔能夠否定當時評分唔係有着數。

　　「光芒四射」可以喺四班低分上名，仲要唔啱路程，降至五班，只要跑正宗路程田草1600米，佢嘅後勁唔係原班馬可比。

　　不過，佢唔係冇地方挑剔，由於性格關係，向來走規唔係好嘅問題，一直冇改過，所以，一定要騎得之人輔助，唔係就幾難交到成績出嚟。

Jack