不死鳥翻生強攻愛媛

猪拉多纳

01/09/2011
文： 蘇豪

京都不死鳥今季降落日乙角逐，不但冇乜超班感，季初仲唔多夠踢，一度沉淪榜尾，表現極曳！球會早前放走埋進攻主力迪亞高蘇沙，正當個個以為大軍會一沉不起，不死鳥竟浴火重生再現威力，已經止跌回升。


近3次主場全勝


迪亞高蘇沙於京都不死鳥名氣最大，但今季無心戀戰，完全冇heart。經過季初低潮後，隊中進攻主力如久保裕也、中山博貴及沙治奧杜查等人愈踢愈順，大軍近三次主場出擊全勝，包括上周戰勝實力分子千葉市原，進一步確認已經復甦。由於之前失地太多，不死鳥難望爭取升班，但球隊要挽回面子，同時安撫球迷，仍會保持鬥志。




京都不死鳥本周再於主場出擊，將會面對中游分子FC愛媛，體力唔成問題，現時隊中並無主力受傷，可以夫添出擊，有望保持強勁戰鬥力。愛媛近四戰不敗，但其中三場屬主場賽事，大軍近期作客表現好曳，近五次作客不勝，實在唔多可靠。不死鳥今場亞洲盤要讓半球至半一，盤口硬淨，有望順利全取三分，捧主勝！ （周四晚6時開賽）