洪禮賢講馬：鄭廐壯大咗 三四班叠馬

猪拉多纳

　　大馬房養馬量流失， 被迫縮減規模，或細倉忽然多咗馬轉嚟，頓時壯大，呢啲事情成日會見到。大變細後，可唔可以振作，細變大，又有冇本事持續發展，係一條唔易行嘅路，只因馬房坐大咗，兵力係多咗，並唔代表承受得起；而忽然細咗，部署唔能夠大開大埋，未必可度過能屈能伸嘅日子。上述問題係2個，但結果其實只得1個，成績低迷是也。

　　而細馬房壯大後，能唔能夠維持下去，兵源分布及實力係幾關鍵，因為多馬有時冇用，傷殘老病弱成籮，畀夠120隻，一樣冇成績交出。如果分得勻又有分量，頭馬數字爆上，絕對係正常。

可望再創佳績

　　看看目前鄭廐兵力，約有50駒，兵力明顯壯大咗，二及五班馬數目最少，二班有8件、五班4件，三四班則最叠馬，當中質新嗰批幾把炮，係咪幻想係美麗就唔知，如果兌現到，鄭廐今季頭馬量，有機會繼上季26W後，再創個人一季新高。

　　睇過「叻叻仔」、「勁加勁」、「好中煌」等駒上季表現，前駒未贏過，但初出路程唔啱亦入圍。後兩駒剛季1W收手，根本係小試牛刀，牠們再大1歲後，必會重點栽培，連勝連升唔覺意外。