法國請阿爾巴尼亞吔魚生粥

猪拉多纳

02/09/2011
文： 安高

老牌勁旅法國今晚喺歐國盃外圍賽D組作客阿爾巴尼亞，為爭出線當然不容有失，只係安高睇見佢哋個後衞荒，擔心佢哋會有失波難大捷，今場都係博3.2倍「讓球和」好過。（now714台周六凌晨3:00直播）


防線3將齊打柴


法國近年雖然表現下滑，但要贏三線球隊阿爾巴尼亞，阻力唔會太大。始終重心列貝利回歸戰線，拿斯尼又搞掂轉會可以專心作戰，前線仲有Fit爆嘅賓施馬，要入你2、3粒其實唔難。




不過大家咪忘記，法國有中堅麥薩斯膝傷缺陣，阿爾拉米坐波監，加上馬馬度沙高都因鼠蹊傷唔踢得，預計領隊白蘭斯要搵熱刺中堅卡保奧同巴塞左閘艾比度頂上，條防線默契唔夠，一個唔覺意有失波又有乜出奇先？




對家阿爾巴尼亞，話就話排喺小組第4名得8分，但查實仲有出線機會。佢哋喺今屆分組賽主場打3場得2勝1和未輸過，今晚有地利，應該唔會被大炒。