洪都拉斯硬淨頂得住哥倫比亞

猪拉多纳

03/09/2011
文： 麥馬拿仁

國際熱身賽，洪都拉斯於美國中立場同哥倫比亞拍跳，受讓必捧！哥軍今仗雖仍有法卡奧、古亞連等主力孭飛，但自領隊達里奧高美斯涉打女人請辭後，仍未搵到帶隊繼任人選，可謂群龍無首，洪都拉斯搵早前金盃四強班底應戰頂得住，要「讓球主勝」！


哥國領隊打女人離隊


今戰於美國新澤西哈里森舉行，雙方均冇地利，遠舟遠路到異地踢太公波，以美洲球員性格搏極有限，邊隊讓波都唔着數。達里奧高美斯上月於夜店涉打女人，最後被照肺後劈炮，目前球隊仍未搵到新帥，將以教練艾華尼斯暫執教鞭。其實哥軍早前於金盃守強攻弱，法卡奧於前線經常獨力難支，讓波唔抵玩。




洪都拉斯係中北美洲實力分子，早前金盃就打入四強，面對最後成為冠軍嘅墨西哥，法定時間冇輸到，只係射十二碼飲恨。今次雖然柏拉西奧斯缺陣，但「英超雙傑」美羅費古羅亞同亨特利湯馬士都有入選，受讓要得過。（周日早上８時開賽）