射手出走貝利早抖

猪拉多纳

03/09/2011
文： 法比加輝

今晚英甲賽事，加輝睇中錫菲聯主場對貝利，錫菲聯今季降落英甲後，明顯較對手高一截，開咧五戰四勝一和，表現大有保證！反觀貝利狀態平平，最弊係首席射手賴恩路維在轉會窗關閉前被挖走，實力大削弱，今場主W有1.67倍值得捧場。（周六晚10時開賽）




老牌球會錫菲聯今季雖降落英甲作賽，但慶幸冇被「肢解」，卓雲伊雲斯、尼基蒙哥馬利及加斯威爾等主將都願意留隊爭升班，所以球隊開咧後戰績理想，聯賽四勝一和，與米爾頓凱恩斯及查爾頓並駕齊驅。




此外，錫菲聯在轉會窗關閉前加強兵力，從格拉斯哥流浪借得兩名年輕中場約翰費歷克及基爾侯頓，咪以為兩位「九十後」冇料到，其實約翰費歷克早被英國《泰晤士報》選為足球上位新星前十，又被當地媒體譽為近十年最具潛質嘅蘇格蘭派牌球員，相信佢有力「激活」錫軍中場。


作客難敵錫菲聯


反觀貝利開咧後成績平平，聯賽兩勝一和兩負，最弊係五場入四球嘅首席射手賴恩路維在轉會窗關閉前被錫周三挖走，令貝利實力大幅削弱之餘，士氣亦有所受損，今場作客睇怕難有作為，加輝建議捧主W。