國民隊返主場執甘

猪拉多纳

04/09/2011
文： ComboKing

本周日可揀賽事唔多，其中一場可留意為葡超國民隊主場對甘馬雷斯。國民隊早前因要爭取出線歐霸盃，或多或少都影響到聯賽部署，如今已被淘汰出局，球隊可專心打番聯賽。查實國民隊上季聯賽演出唔差，只要佢哋踢番正常水準，應可喺主場輕取對手，主W有2倍以上可捧場。（周一凌晨2時開賽）


哥連泰斯甘美奧串W


國民隊近期的確輸多贏少，但考慮到歐霸盃對手實力較強，而上輪聯賽又面對Big3之一嘅賓菲加，未能取得好成績可以理解，今次面對同級球隊甘馬雷斯，國民隊當然可以重新留意，尤其呢類小島球隊踢主場特別醒神。其實甘馬雷斯一樣受到歐洲賽影響，上輪竟然喺主場以大比數不敵弱隊比拉馬，似乎球員仍未擺脫歐霸出局負面情緒，暫時不宜對佢哋太樂觀。




巴甲哥列迪巴主場對哥連泰斯，客W有3.5倍一定要揀。哥連泰斯係聯賽一哥，哥列迪巴質素平凡難逞強。最後甘美奧主場對帕拉尼恩斯，主W較可取。甘美奧近況差全因作客，主場遇弱隊應有唔同演出。