意大利鋒力弱博小勝斯洛

猪拉多纳

06/09/2011
文： 力奇

只要贏波就喺歐國盃外圍賽C組出線嘅意大利，今晚返主場迎戰斯洛文尼亞，力奇唔擔心佢哋贏唔到波，只係怕小勝收場，皆因佢哋上仗連魚腩法羅群島都只係小勝而歸，鋒線發揮唔算出色，加上意甲未開咧，球員未上力，今場寧願博3.25倍「讓球和」算數！（now634台周三凌晨2:45直播）


斯洛文尼亞死守爭次名


意大利自從世界盃後換上柏蘭迪利領軍，成績的確大有改善，喺今次分組賽踢7戰取得6勝1和，仲要係入15球僅失1球。由蘭奴捷亞同基亞連尼組成嘅新中堅組合表現出色，前線方面一樣人才輩出，基奧斯比羅斯、卡斯辛奴同巴洛迪利個個都有入波本錢。




不過，佢哋上仗圍攻法羅群島全場僅入1球，就反映班人仲未上力，再加上今仗贏波就出線，毋須大捷，柏蘭迪利喺踢法上應該唔會太進取，小心隨時贏一球就收手打穩陣波。




斯洛文尼亞呢邊，仲要爭次名出線，今鋪死守求和都唔出奇，鬥志肯定唔會差。再者，佢哋門將係烏甸尼斯嘅漢丹洛域，熟晒意大利班人波路，點睇都唔似會被大炒。




歐國盃外圍賽C組