|
|
06/09/2011
文： 走肖
世盃亞洲區第3圈外圍賽今晚又開戰，約旦喺A組主場對國足，原本都有贏面，但中國人有句說話「重賞之下必有勇夫」，賽前中國足協宣布，國足入到2014年世盃決賽周，全隊會有1,500萬人民幣獎金，呢場受讓平半點會唔搏？（廣東體育周三凌晨0:00直播）
以往執教皇馬同西班牙都冇好下場嘅甘馬曹，日前首次帶領國足出戰，戰術調動意外得到好評，結果領軍以2:1反勝新加坡。不過咁，前鋒陳濤、中場黃博文同中堅杜威比賽中受傷，黃博文已證實缺席呢場波，加上原有傷兵郜林、鄧卓翔同榮昊缺陣，都咪話唔頭痕。
入決賽周甘馬曹即袋9千萬人仔
可能因為傷兵滿營，中國足協決定出手挽救士氣，宣布入到亞洲區10強賽，先派500萬人仔獎金，到真正出線世盃決賽周就加碼到1,500萬人民幣，至於除稅後年薪280萬歐元，人工等於當年「神奇教練」米路天奴域10倍嘅甘馬曹，假如完成出線任務，估計人工連商業收入高達1,000萬歐元（約9,000萬人民幣），對佢嚟講每場都唔衰得。
其實中國足協肯掟咁多錢，都係因為國足入到世盃決賽周，最多會創造10億人仔經濟效益，賽前甘馬曹更加話，佢嘅足球哲學冇求和，今場目標係搶3分喎。對家約旦上場砌低伊拉克，的確唔嘢小，不過有份入波嘅中場主力哈辛法塔赫，因為球會同國家隊傾唔掂數，決定踢埋呢場結束國際賽生涯，士氣受損未必W得出。
世盃亞洲區外圍賽A組
|
|
金睛卡
发表于 2011-9-6 10:27
变色卡
显身卡