賽馬漫談：華獅後勁唔簡單

猪拉多纳

　　開鑼日報名表已出，對報爭五班1400米呂廐的「華獅」有點憧憬。前季四戰全部大敗，表現遠離水準，上季初三戰亦都冇場好睇。

　　不過，去年二月尾牠卻於田草1200米初露走勢，在梁明偉胯下以99倍大冷身份走入一席第六，只輸給頭馬「大地神駒」個多馬位。

　　到上季總場次610，「華獅」增程出戰田草1600米，表現更進一步，在卓利胯下走入一席亞軍，僅以頭位之微不敵「金玉之光」，證明居20分左右的水平根本極具競爭力。暑期復課以來，此駒操練正常，既然上季爭取到得以保留，可肯定幕後亦不會想牠以處女馬身份出局，估計必定會盡快搶攻。

　　上季「華獅」於田草1200米及1600米也有過表現，今次跑夾心路程1400米，相信必可應付。始終是曾在1600米末段爆出一段22.78秒的馬，只要開鑼日能交出本身的後勁，要取得在港首場頭馬冇難度。

　　外國方面，剛周日在德國巴登馬場舉行的一級賽巴登大賽，結果由薛達祺坐騎Danedream 勝出這場2400米賽事，Night Magic 及Joshua Tree 則分別跑獲二、三名。

耀鈞