費城聯革命大解放

猪拉多纳

07/09/2011
文： ComboKing

今日賽事唔算多，阿King將過關重心放落美職獨腳戲，費城聯主場對新英倫革命身上。兩軍近期戰績欠佳，主要因為防線曳，失球數字高所致。因此阿King認為兩支不設防嘅球隊對碰，開大機會頗高，捧入球大啱數。(周四早上8時開賽)




主隊費城聯仍需搶分保住季後賽席位，不過球隊近態認真麻麻，近六場聯賽未嘗一勝。費城聯連番失分，主要原因就係防線參差，近三場聯賽都失兩球，實在講唔通。至於現時在東岸包尾嘅新英倫革命，同樣係連續六場未贏過，而佢哋近四場就失咗九球，防線都係唔掂。此外，兩軍失波嚴重多少因為踢法開放，互撼嘅話開大機會甚高。


葛度爾古斯再演入球騷


另一關阿King則睇中南球盃次回合賽事，葛度爾古斯對拉魯斯，同樣揀大盤。兩支阿根廷球會首回合已經大踢進攻足球，結果以二比二握手言和，拉魯斯失咗兩個作客入球，今場必須入波先有價講，為求出線肯定唔會退縮，建議再捧入球大。至於最後一關就可選取阿甲獨立隊對聖馬田聖祖安。聖馬田聖祖安開咧後四戰未輸過，狀態不俗，預計有力頂得住狀態一般嘅獨立隊，受讓值得捧場。