法林明高哥連泰斯捱細界

猪拉多纳

08/09/2011
文： ComboKing

巴西國家隊近期好忙碌，繼日前同加納踢完熱身賽後，下周中又要同勁旅阿根廷踢羅卡盃首回合，由於當日唔係國際賽日，所以喺歐洲搵食嘅球員都冇入選，領隊文奴文尼斯以全土炮迎戰，法林明高靈魂朗拿甸奴被委以重任。細哨為專心國際賽，鞏固國家隊位置，明早作客哥連泰斯隨時錫身留力，一於吼實入球細。（周五早上8時50分開賽）




細哨難得重返國家隊，自然要把握機會，博取領隊文奴文尼斯歡心，佢喺日前對加納踢足全場消耗唔少體力，表現贏盡口碑，但下周中鬥阿根廷先至係佢真正考驗。惡戰連場之下，細哨應會作出取捨，暫時將球會賽事放埋一邊。事實上，細哨身為法林明高主將，球會亦唔想用殘佢，今場隨時畀佢抖一抖亦唔出奇。


甘美奧作客牙煙


法林明高今季最大問題唔係進攻，而係防守太差，近兩場對下游球隊艾華爾同巴希亞，竟然全敗共失六球，今場對手係爭標勁旅哥連泰斯，法軍情況更難樂觀，不過兩隊首循環都係打和一比一，兩軍對碰踢得謹慎，今場開細機會高。




另一場甘美奧近九場聯賽作客僅得二和七負，今仗作客巴希亞，甘美奧即使受讓平半都揀唔落，寧揀主隊上盤。至於華斯高主場對哥列迪巴，雙方今年已三次對碰，最終都由佔主場一方勝出，今次一於揀華斯高主勝。