紅衫皇馬穩贏薩格勒布

猪拉多纳

11/09/2011
文： 力奇

嚟緊周中焦點一定係正式展開嘅歐聯分組賽，附表列出咗當中12場較佳戲碼賽事嘅賠率，等大家好好做定「一周之計」，力奇心水都係睇好西甲兩大班霸有力大捷。

皇馬會喺周四凌晨作客薩格勒布戴拿模，日前《馬卡報》就爆料，話銀河艦隊今次會破格着紅色波衫出戰（見圖）。翻查歷史，皇馬歷來曾經兩次着紅衫踢歐聯，第一次係70/71球季作客卡迪夫城，結果輸0:1，另一次係72/73球季出訪基輔戴拿模，又只能摸和0:0。雖然數據「唔老利」，不過力奇有信心佢哋可以破咒，事關皇馬今季喺莫連奴手底操到火紅火綠，西甲首輪作客都大炒薩拉戈薩6粒，只要今晨場波冇主將受傷，今次要炒薩格勒布應該冇問題。

睇埋巴塞對AC嘅超級大戰，講近年氣勢，AC又點止差一皮。巴塞主帥哥迪奧拿今晨場波話明收起韋拿、沙維同碧基，都係留力今鋪，力奇睇見巴塞個W熱到得1.28倍，真係不勝無歸格局喎