費倫主場應勝博洛

猪拉多纳

11/09/2011
文： 巨高

繼普拉達在港上市之後，有唔少知名企業都希望利用香港呢個財金平台融資。而最近又傳出兩間意大利車廠，包括出產電單車嘅杜卡迪以及法拉利都擬來港掛牌。睇個勢「名牌股」嘅版圖會不斷擴大，亦充分顯示出香港金融市場幾有地位。


班主品牌巨高至愛


講開意大利品牌，皮革TOD'S係巨高至愛之一，而佢哋揸弗人安迪亞達拉華利，正正係費倫天拿班主，今晚費倫天拿主場對博洛尼亞，巨高一定撐「紫百合」。雖然費倫有唔少主力流失，但前鋒基拿甸奴仍在陣中，再加上黑山進攻中場祖維迪已完全康復，入球能力應有一定保證。博洛尼亞作客唔多掂，單靠迪華奧一個惡唔出樣，相信主Ｗ可順利開出。（周日晚9時開賽）