洛辛堡反彈薩聲震天

猪拉多纳

12/09/2011
文： ComboKing

北歐聯賽進入最後直路，挪超傳統勁旅洛辛堡爭標機會不大，但仍有望爭取一張歐霸盃入場券，球隊上周大炒奧特格寧蘭七球重現霸氣，今場面對榜尾薩普斯堡實食無黐牙。（周二凌晨1時開賽）




洛辛堡由於今季開閘脫腳，未計周一凌晨戰果目前僅排聯賽榜第七位，落後榜首莫迪十四分，要後上爭標機會唔大，不過佢哋距離第三位嘅白蘭恩只有五分，而且少踢兩場，絕對有權爭取來屆歐霸盃參賽資格。


艾夫斯堡W奧雷布洛「細」


洛辛堡上場踢出本季代表作，主場以七球大炒奧特格寧蘭，新兵杜克高迅速融入球隊，攻力如虎添翼，相反薩普斯堡經過季初虛火，實力已見晒底，自五月中以來連續十二場聯賽未贏過，近六場全敗之餘只入一球，現排包尾形勢險峻，就算有主場之助都信唔過，洛辛堡客W有1.48倍夠晒穩陣。




另一北歐聯賽瑞典超亦進入關鍵時刻，冠軍不離希爾星堡或艾夫斯堡，希爾星堡上周六凌晨作客打和赫根失分，艾夫斯堡正好藉此機會拉近彼此距離，今晚主場鬥加爾斯可捧主W。另一場奧雷布洛主場鬥AIK蘇納，首循環AIK主場小勝一比○，奧雷布洛連續兩場冇入波，AIK三連勝之餘亦保持不失，捧「細」盤啱數。