財主馬拉加3分目標必「達」

猪拉多纳

12/09/2011
文： 走肖

錢真係萬能？至少喺足球世界，有錢同冇錢差好遠囉。馬拉加今晚喺西甲主場對CF格蘭納達，可以話係財主蝦窮人，前者今季用咗5,800萬歐元擴軍，相反格蘭納達僅得700萬歐元買人，牌面完全冇得比，諗過都係跟大隊捧2倍「讓主」。（now632及660台周二凌晨3:00直播）


CF格蘭納達組軍靠借人


唔計免費加盟嘅雲尼斯達萊，馬拉加今季掟咗5,800萬歐元買人，雖然開咧戰作客1:2不敵西維爾，但價值2,100萬歐元嘅中場辛迪卡索拉已有波入，所以話有錢幾好呢！仲有呀，曾經執教皇馬嘅馬拉加教練比歷連尼，上季收咧前領軍連贏5場護級成功，以佢執教功力，今場贏波應冇問題。




格蘭納達闊別35年後再次喺西甲亮相，升班後首戰以0:1不敵貝迪斯，輸得唔算肉酸，但其實呢班波同烏甸尼斯有合作協議，主要靠對手借球員至組到軍，今季用咗450萬歐元收購基輔戴拿模後衞迪亞加迪已幾乎冇餘錢再買人，如果咁嘅身勢都阻止到馬加拉袋3分，惟有讚佢哋窮得有骨氣囉！