波圖踢到殘難贏薩克達

猪拉多纳

13/09/2011
文： 牛奶仔

歐聯分組賽今晚揭開戰幔，上屆歐霸盃冠軍波圖會喺G組主場出擊，迎戰烏克蘭勁旅薩克達，波圖今場有兩名主力停賽，近期又征戰連場，想贏波都唔係咁易，一於捧2.15倍「讓球客勝」。（開賽時間：周三凌晨2:45）

波圖兩大主力停賽

波圖今季放走教練保亞斯及射手法卡奧離隊之後，喺國內聯賽仍未受到太大考驗，不過去到歐洲賽就係另一回事，最慘係上月尾場歐超盃輸咗畀巴塞之外，中堅路蘭度同中場古亞連仲要雙雙領紅，搞到要喺歐聯停賽，其中古亞連仲唔止停1場，大大影響波圖嘅出線機會。


雖然唔少球隊都會為咗歐聯避重就輕，甚至喺賽期上作出配合，不過今晚卻係波圖一周內第3場比賽，如果計埋之前嘅國際賽期，射手侯克更加係8日內要踢4場波，真係怕佢會頂唔順。相反對家薩克達喺上場聯賽刻意留力，入波功臣伊度亞度達施華更提早被換走，擺到明留力今晚搏殺，要搶到分唔係難事。


歐聯G組