借題發揮：第四場開始坐騎執靚檔 柏寶今晚創佳績

猪拉多纳

　　柏寶開鑼日飛咗去日本，最終「天久」喺人馬錦標輸少少返嚟，雖敗猶榮啦，人馬已盡了力。而今期先至係佢季內正正式式登場，呢位谷草專家，首戰有7駒列陣，老老實實，跑A欄都係咁話，佢上半場有部分馬排檔差，可能唔易交出成績。不過，由第四場開始，匹匹有好檔輔助，「新薪」排3檔、「橫掃千軍」4檔、「創佳績」2檔及「大進」3檔。

新薪大進上季初出即勝

　　唔係話有好位就掂，不過，季初時分，兼且跑谷草，好位嘅着數程度，比起沙田大得多係必然。仲要佢幾匹排靚檔之馬，全數係路程好手，老土啲咁講，仲唔係事半功倍！

　　「新薪」和「大進」，谷草1200米點好法耳熟能詳，抽到好位，更易於掌握，所以，就算負磅略重，影響程度未必如想像般高。而牠們上季初出也是在首仗即勝，看來兩位練者用得柏寶，也想重溫好夢。

　　說到「創佳績」，10歲嘞，老鬼一名，隨時跑跑吓退役，上季贏唔到仍未肯退下來，尚存一定戰鬥力會係主因。嗱，唔好計日子，實在佢喺前仗同程只係輸少少返嚟！今仗有筍位、人強、路合，已具條件爭勝。

Jack