貝格拉諾「+1」夠安心

猪拉多纳

16/09/2011
文： 笛子波童

阿甲春聯賽聖馬田聖祖安主場對貝格拉諾，兩支同為今季升班球隊，不過近況各走極端，貝格拉諾聯賽兩連勝兼冇失波，表現開始上軌道，相反聖馬田聖祖安連續五場未贏過，難有讓波本錢，波童建議今場捧1.6倍「讓球客勝」。




（周六早上8時15分開賽）


聖馬田攻力麻麻


聖馬田聖祖安上季乙組排名雖然高過貝格拉諾，不過後者於去季附加賽淘汰傳統班霸河床，演出更加惹人注目，事實上貝格拉諾開季六場聯賽僅一敗，自從月初擊敗聖羅倫素打開勝利之門，上周再於主場擊敗獨立隊，連續兩場冇失波，證明踢走河床絕非符碌。相反聖馬田聖祖安自開鑼戰擊敗堤格雷之後，對上五場聯賽未贏過，而且對上兩次主場都未能取得入球，攻力並非太突出，睇番兩軍對上三次於乙組碰頭都係和氣收場，除捧「讓球客勝」之外，2.95倍「和」亦可小敲。