法蘭克福主場曳冇優細

猪拉多纳

16/09/2011
文： ComboKing

今晚德乙有場焦點賽事，阿King心水係法蘭克福主場對羅斯托克，要細盤。07/08年度球季兩隊仲一齊喺德甲比賽，依家卻喺德乙相逢，羅軍更一度降落丙組，今季先至重返乙組，實在令人唏噓。今場牌面上好似法蘭克福高少少，但要留意佢哋主場表現反而差過作客，未必佔甜頭，加上羅斯托克踢悶蛋足球，捧入球細。




（周六凌晨零時開賽）




法蘭克福今季降落德乙，好多人都睇好佢哋可以取得升班資格，但踢落優勢唔大，聯賽主場三戰未開齋只入兩球，反而作客有三勝一和，變成「主場不利」。經過一段時間，情況都冇改善，已形成一個心理樽頸，要突破並唔容易。


奧厄續追細盤


羅斯托克明知自己斤両有限，大踢防守悶蛋足球，七場聯賽五場和波，其中四場互交白卷，睇到都令人眼瞓。不過對投X者絕對係好事，有佢哋嘅比賽，買入球細收錢機會相當高。




另外，奧厄同羅斯托克好相似，又係旺和波同少入球，今仗主場迎戰聯賽作客全和兼全細嘅杜塞爾多夫，信績可以追細。至於恩高斯達特主場對特雷斯登，情況啱啱相反，雙方都係入得又失球，博大盤。