局內人：危險大軍掃晒

猪拉多纳

　　沈廐今季作風較急進，於開鑼日已憑「厲行星」打開勝門，明日此廐亦有實力馬在陣。馬房中人指出，出爭第三場四班1000米的初出馬「危險大軍」必須留意。此駒是一匹極具潛力之馬，上季因成熟程度未足才沒有上陣，留到今季才參戰，韋達亦一早睇中牠，故一早已向馬主索騎，馬主與沈集成研究後，決定把馬兒交由他操刀。「危險大軍」埋門操練積極，早前試大閘亦有好反應，扣韁下自動搶走，今次初出跑短途是正路部署，有機會一出橫掃。

　　沈廐另一實力馬是出爭尾場三班1200米的「洪福齊來」，上季此駒轉投沈廐後取得兩冠一季，成績不俗，只在季尾最後一仗因心律不正常大敗。不過經暑期休養之後，此駒健康已回復正常，埋門操練工夫亦做足，馬有潛質，居現評分仍然未止步，今番蓄銳而臨，應有爭雄之力。

梁杰