雪蹄靈驥 何都密斟旁若無人

猪拉多纳

都爾在開鑼日係威係勢贏出特首盃，有好開始當然要食住勢頭，希望旺氣延續。
       
雪蹄靈驥

明午頭場何廐戰駒「雪蹄靈驥」首次與都仔合作，落番五班跑形勢又變得有利，騎者在埋門試兩課皆見力度貫注，狀態到位，但最緊要就係同練馬師互相溝通，培養出合作默契。
       
都爾（圖左）何良（圖右）

都仔也深明此理，昨晨約六時三刻，趁空閒便走到烽火台搵何良商討大計，呢對組合頗新鮮，立刻引來旁人注目，練騎卻懶理其他人目光，自顧地密斟，傾得十分投入，鬥志顯得極為高昂。