流浪靠專一制迪

猪拉多纳

18/09/2011
文： 法比加輝

蘇超上演今季首場「格拉斯哥市打吡戰」，格拉斯哥流浪主場對些路迪。無可否認些路迪近績佔優，近六次對賽在法定時間內未輸過，但加輝仍然睇好流浪，首先佢哋有主場之利，而且因在歐洲賽老早行人止步，周中毋須為歐戰分心，可養精蓄銳應付今場大戰，平手盤要撐。




（now 638周日晚7時30分直播）


唔使分心歐洲賽


流浪在今年曾六戰些路迪，不過成績並唔理想，法定時間內三和三負，明顯被些路迪食住。不過，呢啲都只係上季嘅事，流浪今季較死敵優勝之處，就係晨早喺歐洲賽玩完，歐聯外圍賽出局之後，就到歐霸盃附加賽行人止步，可以疊埋心水喺本土賽事爭成績。




相反些路迪就意外地因錫永違規而獲得歐霸分組賽資格，過去周中就飛到西班牙作客對馬德里體育會，體力難免有所損耗，而史杜基斯及史葛布朗仍有傷在身，今場上陣成疑。流浪方面則有好消息，謝拉域、柏巴斯及麥高洛治均已擺脫傷患，今場可望上陣，有主場威力之助仍可坐和望贏，平手盤捧得過。

有赢不输