祖記連勝有細佬幫手

猪拉多纳

18/09/2011
文： 渡邊年

香港人成日出街食飯，其實有時自己喺屋企食啲清清哋嘅嘢，清吓腸胃都唔錯，介紹大家自己整味簡單又好食嘅涼瓜。




涼瓜對邊切開刮去瓤，放入滾水煮，加啲鹽去苦，煮熟放乾後切段，切一粒紅葱，一粒蒜頭，一隻紅椒，加啲糖、豉油、黑醋撈勻，涼瓜放碟內，撒上麻油，再將調味倒入撈勻。呢味「五味半生瓜」鹹（豉油）、甜（糖）、酸（烏醋）、苦（涼瓜）、辣（辣椒），五味紛陳，對應人生。


派路再闖高峰


苦瓜又叫「半生瓜」，正因為當你覺得好味嘅時候，你嘅人生差唔多走完一半，人到中年，先識欣賞半生瓜醇和甘味。食，除咗係充飢，可以係藝術，亦可以係睿智，著名填詞人黃偉文幫Eason寫嘅《苦瓜》歌詞，就將呢點寫咗出嚟。




祖雲達斯老牌意大利中場派路，球員生涯亦嘗盡甜酸苦辣，重創後以為無復當年勇，今季免費由AC米蘭轉會，同「老婦人」一齊再闖高峰，今周遇着以前關係密切的「細佬」錫耶納，客W可取。




（周日晚9時開賽）

有赢不输