伍碧權勁掘安廐寶藏

猪拉多纳

前練馬師黃汝安雖然已經退咗休，但佢嗰批舊部喺季初三個賽日相當有睇頭，繼「明興寶寶」開鑼日跑入亞軍，上周中谷戰「威水福星」同「南陽望族」亦雙雙開齋而回，炮製一對前安廐孖寶。
       
伍碧權豎起手指公讚自己好嘢？

輪到尋日沙田賽日，安哥呢個大寶藏繼續有頭馬出土，跟隨洪國興加盟伍碧權馬房嘅「心中有勁」，喺御用騎師鄭雨滇胯下勝出第二場四班草地1200米賽事，亞軍及季軍的「銀飛龍」與「共同目標」另外兩匹灰馬，包辦一條灰馬三重彩。
       
心中有勁落重飛一放到底。
大幅落飛馬主無份

「心中有勁」臨場大幅落飛，由6倍落到3.5倍，結果飛到馬到贏出，不過馬主胡百滔就話自己無份，但佢話隻馬賽前係明顯靚咗。