洪禮賢講馬：心中有程食正形勢

猪拉多纳

　　第六場四班1200米。「閃耀小子」唔算早復課，亦冇大閘作開氣程序，狀態夠唔夠紮實？會唔會直路爆唔起？好難判斷，不過，純粹以隻馬試跑觀感，進度並唔係差。

　　上季加眼罩喺四班同程即勝，係配件或當時賽事形勢幫到晒都好，總之，贏馬時間比標準時間快，兼且比當晚三班頭馬快4線。而更重要係畀佢打低嗰批對手（第二至五名），計有「日月暉華」、「超晒班」、「田園名駒」、「卡加小子」，全部都係去季四班有W到手之馬，從而凸顯「閃耀小子」有幾本事。今仗重戴眼罩回到贏馬路程，唔難執番W。

　　第七場三班1650米。「心中有程」之前4個季度初出P都冇，踏入第5季又係咪同一命運？轉倉亦可能唔會令此宿命改變，加上目前分數處最高位，或者受壓得好緊要。

　　不過，諗番呢場賽事形勢，佢好大機會「食」正晒，2檔起步，而同場早段會走先嘅唔多過3匹（唔計佢自己），情況就好似上季此程僅負於「寶貝王子」之役。若然假設與形勢相近，唔贏亦有P望。

馬會賽馬節目主持　洪禮賢