車路士猛火炸散富咸

猪拉多纳

21/09/2011
文： 樂比堅尼

英聯盃第三圈上演倫敦富林區打吡，車路士主場對富咸。聯賽盃向來係車仔歷任領隊必爭之地，當年莫連奴執教車仔，首項錦標就係聯賽盃，目的係打定底向班主阿布拉莫域交代，作為莫連奴同門師兄弟嘅保亞斯，冇理由唔知道呢個道理，今場一於搵富咸祭旗，捧「讓球主勝」。（now 638周四凌晨2時45分直播）




車路士不敵曼聯一比三後，據講保亞斯第二日朝早7點已經返咗訓練大本營，做到夜晚7點先離開，其實車仔演出已一場比一場進步，輸畀曼聯係非戰之罪，依家車仔最重要嘅係建立信心，贏得幾多得幾多場，絕唔會揀波踢，即使今仗收起部分主力，實力依然遠勝富咸。


富咸兵源不足難分身


富咸兵源不足，分心踢歐霸已令聯賽失準，踢咗五場都未開齋，主將如艾朗曉士、懷斯及西蒙戴維斯更受傷，睇怕英聯盃都唔會同車仔硬撼。