皇馬殘陣捱「細」界

猪拉多纳

21/09/2011
文： 郭球奇

出得嚟行，預咗要還！一向鍾意用茅招嘅皇馬，上場對利雲特反被對手用那渣招對付，結果搞到今晚西甲作客桑坦德受傷停困擾陣容天殘地缺，睇嚟好大機會再次開出1.75倍入球細！（now632及660台、廣東體育周四凌晨2:00直播）


比比 法比奧干查奧打柴


皇馬上場作客利雲特，受盡對手那渣招，結果中場基迪拉沉唔住氣，領紅今晚自動停賽，負傷上陣嘅C朗亦不停被對手飛剷，今晚好大機會再做後備。賽前皇馬官網公布後防比比同法比奧干查奧喺對利雲特後都驗出有傷，暫時未知要抖幾耐，但《馬卡報》爆料，話佢兩個至少要抖10日，今晚肯定缺陣，踢法肯定冇咁進取。




對家桑坦德近況低沉，上場作客馬體會更慘敗0:4，開季3戰未嘗1勝，預計今晚喺中場柏巴高尼迪奧普刑滿，前鋒奧斯卡沙蘭奴又有機復出擔正，必定抄足利雲特打穩守突擊博偷雞，難得呢場足智彩將入球大細中位數設3.5球，入球細絕對係重心之選。