|
|
24/09/2011
文： 郭球奇
史篤城嘅高空攻勢近年剋死唔少勁旅，唯獨曼聯就免疫，喺英超交手從未輸過；考慮到「瀟灑哥」貝碧托夫今晚好大機會擔正，同朗尼拍檔喺前線搏殺，肯定想入波攞番費Sir歡心，對住征戰連場嘅史篤城，1.48倍客W絕對係過關穩膽！（有線200及300、廣東體育周日凌晨0:30直播）
貝碧擔正里奧復出鎮守後防
曼聯近況勢如破竹，英超5戰全勝之外更狂轟21球，周中於英格蘭聯賽盃半力出擊，作客照數死敵列斯聯3:0，依家球員士氣同信心可謂爆晒燈。既然車路士同阿仙奴都唔夠佢哋揪，試問區區一隊唔識入波嘅史篤城，又點阻到紅魔發達？
近年英超好多勁旅對住史篤城都吃盡苦頭，但曼聯似乎例外，自從史篤城喺2008年升上英超後，6次對住紅魔全敗喪失16球。雖然賽前有指前鋒查維亞靴南迪斯康復進展良好，今晚有機會提早復出，但相信貝碧托夫仍然好大機會今季首次喺英超擔正，唔使講一定會努力爭取表現，希望之後有更多上陣機會，加上後防又有里奧費迪南復出鎮守，曼聯今晚攞3分完全冇難度。
史篤城兼顧歐霸盃五勞七傷
史篤城今季表現唔錯，暫時喺英超排第5，但佢哋一早要兼顧歐霸盃，今晚對曼聯已經係史篤城今季第12場賽事，班球員已經有少少殘殘哋，當中前鋒堅韋尼鍾斯就可能因為征戰頻頻，周中喺佢哋互射12碼淘汰熱刺場波一早傷出，今晚對曼聯極大機會缺陣，對史篤城嘅攻擊力的確有幾大影響，事實上，呢班波暫時喺英超只係入得3球咁大把，係聯賽榜前10位中入波最少嘅一隊，對住狀態大勇嘅曼聯，破到蛋已經有交代啦！
橫數千軍
 史篤城鬥紅魔少波入
‧英超史上對曼聯全敗，入2球失16球。
‧近11場英超主場賽事獲7勝3和1負。
 朗尼射手榜領先
‧曼聯前鋒朗尼暫以9球排射手榜首位。
‧前鋒查維亞靴南迪斯近2次對史篤城入3球。
近6次交手紅魔贏晒 前者主場
日期 戰果
11/01/05 曼 聯2:1史篤城
10/10/24 史篤城1:2曼 聯
10/05/09 曼 聯4:0史篤城
日期 戰果
09/09/26 史篤城0:2曼 聯
08/12/26 史篤城0:1曼 聯
08/11/15 曼 聯5:0史篤城
|
|
金睛卡
发表于 2011-9-24 10:33
变色卡
显身卡