勇鋼落班即變身

猪拉多纳

　　今次大摩六路興兵，驟眼睇以籮底貨居多，除第九場「軍事行動」較具勝機外，其餘馬匹感覺上俱是陪跑分子；然而經仔細研究，筆者認為「超群名駒」及「勇鋼」均具冷味，不妨買條二串三W。

　　第十場「勇鋼」上季五戰一、二班賽事皆北，今次有幸初會三班對手，而經過暑期一輪猛做工夫後，今仗由蟲變龍絕非天方夜譚。事實上，上季尾已見「勇鋼」於陣中連番有試馬跡象，如總場次719所見，此駒在田草1800米快放三段，一直跑至末段才腳軟，走來有聲有色，氣量可期已試準。今次「勇鋼」為摩廐尾場的第二出賽意願馬匹，臨場必然乏人問津，如成冷門絕對吼得過。

　　第八場「超群名駒」上季連敗六仗共減九分，這次與「勇鋼」一樣可降班出戰。上季馬兒在田草1400米經常遇着一批當打馬，如「川河勁駒」及「國寶」等佳駟，落敗當然無話可說，但好處是已退熱成功，今場1200米賽事的對手級數比1400米稍低，加上又有降班之利，開齋可期。

賭博士