基爾禾冇本錢讓熱拿亞

猪拉多纳

25/09/2011
文： RICHARD WELBING

季初盤口好多時都與積分榜及近績不相符，唔少球迷都摸不着頭腦。其實理由好簡單，現時好多歐洲球隊只踢過幾場正式比賽，喺基數不足情況下，開盤仍會以去季成績作主要藍本，意甲就係其中一個例子。今晚意甲早場由基爾禾主場對熱拿亞，基爾禾今季聯賽僅一勝，表現未如理想，今場向聯賽不敗球隊熱拿亞讓波唔抵玩，捧下盤。（周日晚6時30分開賽）


基軍缺隊長射手


熱拿亞今季演出令人滿意，兩場勝利亦好有說服力。老實講呢班波冇乜有名球星，但勝在球隊夠實用夠賣力，能發揮團隊合作精神，好自然交到理想成績。前鋒柏拉斯奧、中場米基爾維洛素及後衞丹尼利，上季演出都係麻麻哋，但喺球隊正面氣氛帶動下，今季三人都全面回勇，對球隊爭分數必有助力。

基爾禾今場缺少隊長兼高效射手柏利斯亞，嚴重影響入球能力。基爾禾唔敢谷得太前的話，形勢一定處於下風，就算以近況計，基爾禾都欠取勝把握，讓波必捧熱拿亞。