黃蜂神仙難救廣島打落水狗

猪拉多纳

25/09/2011
文： 九叔

福岡黃蜂 Vs 廣島三箭


做人鋤強扶弱係啱，但係買波就要掉轉，福岡黃蜂今日主場輸畀廣島三箭，就會提前宣布降落日乙，創造一個日職最快降班紀錄，呢隻落水狗一定要打，博廣島1.55倍W啦！（開賽時間：周日下午3:00）


垂死掙扎搵賽車女郎打氣


開咧至今只贏過3場波嘅黃蜂，家陣得12分排日職榜尾，今日再輸嘅話，雖則仲有7場波未踢，但係就要對大阪櫻花、仙台維加泰呢啲硬嘢，又有4場作客波，實質上已經救唔番。

為咗作垂死掙扎，黃蜂今日响主場搞咗唔少活動，希望造大聲勢爭取贏波，其中重點就係今年玩緊「Super GT」嘅車手井口卓人會親臨打氣，呢個福岡出生嘅鄉里，仲會帶埋班「RFC（福岡打氣賽車女郎）」嚟撐場添。

本來有名人助威，福岡可望打高一皮波嘅，何況佢哋仲响生死關頭添。可惜呢隊波始終實力唔掂，近8場有7場吞蛋，根本唔夠料响日職立足，雖則廣島亦冇乜好爭，喺中上游唔上唔落，又有青山敏弘坐波監，但佢哋作客福岡素來贏多輸少，近6次錄得4勝1和1負，足智彩個客W又鬼咁熱，咁冇理由唔買廣島啫。