貝迪斯強勢爆基

猪拉多纳

26/09/2011
文： 法比加輝

周二凌晨上演西甲獨腳戲，基達菲主場對貝迪斯。今季升班嘅貝迪斯氣勢如虹，開咧四戰全勝，球員狀態正處於巔峰。反觀主隊基達菲已經連輸三場，陣中又多傷兵，讓波確實捧唔過，建議要受讓平半嘅貝迪斯。（周二凌晨3時開賽）




眾所周知，升班馬貝迪斯今季踢出驚喜，頭四輪聯賽贏晒，成為西甲唯一一支全勝部隊。其實加輝之前都講過，貝迪斯個頭開得咁靚，主要因為肯重用番一班升班功臣，季初默契自然較變動大嘅球隊好，加上最主要收購辛達告魯斯交到貨，上場對薩拉戈薩梅開二度，「綠白兵團」如今順到不得了。


基達菲傷兵滿營


相反主隊基達菲就行緊衰運，近三場聯賽全部輸晒，現時就只係得開鑼戰攞到一分咁大把，狀態及士氣都曳。其實基達菲戰績咁差除咗冇態外，主要因為佢哋仍有唔少主力受傷患困擾，好似謝美加維蘭、拉法盧比斯及門將烏斯達利都因傷缺陣，實力難免有所削弱，而迪亞高卡斯度及米高馬迪拿今場則有望復出。




此外，貝迪斯在往績上亦唔輸蝕，近四次作客基達菲一勝三和未輸過，更何況依家氣勢如虹，所以今場受讓確實值得捧場，一於捧下盤。