假波風收斂里賈納爭氣

猪拉多纳

26/09/2011


意乙一向被指係假波溫床，上季冠軍阿特蘭大亦有份打假波，結果今季升上意甲即被扣六分，主將當尼更要停賽三年半。可能受當局嚴打行動影響，假波風氣有所收斂，幾支著名球隊都打出水平排喺前列，包括布雷西亞、拖連奴及森多利亞。


作客可勝安玻里


另一支「升降機」里賈納亦有不俗演出，目前聯賽五戰取得三勝一和一負，唯一敗仗係輸畀榜首帕多瓦。里賈納有唔少球員有意甲比賽經驗，包括曾効力帕爾馬及費倫天拿等球隊嘅前鋒邦拿索尼，今晚作客對聯賽四連敗嘅安玻里，里賈納應可順利全取三分。（周二凌晨2時45分開賽）