9月份投X額強勢有因

猪拉多纳

30/09/2011
文： 蘇斯黑柴

今晚德甲獨腳戲戲碼平淡，凱沙羅頓主場迎戰史特加，「德甲紅魔」凱沙今季攻力大跌Watt，今仗就算主場都難贏，但史特加作客演出亦唔可靠，考慮到凱沙近三次主場對史特加都係和波收場，今場互無把握下，黑柴寧願小注較好分頭嘅3.4倍和波。（有線61及201台周六凌晨2時30分直播）




凱沙今季放走咗拿傑、賀化、莫拉域克同伊利斯域四大攻擊主力，補入嘅舒捷達、高文夏、蘇古達柏素同科圖尼斯踢到家陣第八輪都未見有乜料到，球隊攻力嚴重下滑，上仗作客對禾夫斯堡有半場時間踢多個，結果都一路捱打輸○比一，今季護級前途預期相當艱辛。不過佢哋向來喺主場都有一定威力，上次主場踢打吡戰贏緬恩斯打開勝利之門，雖然過程跌跌撞撞好符碌，但起碼踢出氣勢，佢哋今季主場只輸過畀班霸拜仁，等閒球隊唔係咁易可以喺費斯禾達球場攞足三分。


凱沙主場往績三連和


史特加人腳質素同兵源都在凱沙之上，今季整體演出亦比預期好，不過作客始終唔可靠，至今只贏過弗賴堡，上仗主場面對包尾嘅漢堡先贏後輸，狀態同士氣都唔算好，今仗作客讓波好勉強。




所以，今場黑柴相信凱沙贏唔到，史特加贏同賽和嘅機會均等，考慮到凱沙近三次主場對史特加都賽和，今仗建議小注追多次。