亞琛冇起色難讓FSV

猪拉多纳

30/09/2011
文： ComboKing

「新帥效應」有時可以令一支球隊起死回生，例如最近嘅國際米蘭，但呢種心理作用未必次次奏效，德乙亞琛就係反面教材，早前更換教練後一樣冇起色，證明球隊已病入膏肓，並非單單換帥可以改變，亞琛主場對FSV法蘭克福，捧受讓嘅FSV「讓球客勝」。（周六凌晨零時開賽）


易帥後一樣輸波


包尾大幡亞琛今季成績慘淡，教練巴拉被炒，但新帥芬基上仗首度領軍，都係輸波收場。其實芬基剛於月中被波琴解僱，擺明冇料到，但亞琛偏偏搵佢救亡，根本毫無意義。亞琛踢咗九場聯賽仍然未開齋，最大鑊係陷入嚴重入球荒，目前只有一球進帳，球員已信心盡失，相信短期內難翻身，更加冇本錢讓波。




FSV法蘭克福雖然成績亦唔見突出，但要留意佢哋今季九場聯賽只係輸三場，只係因為太多和波，導致失咗唔少分數。相信以亞琛現時嘅頹勢，咬唔入FSV法蘭克福。




羅斯托克係另一支聯賽未開齋球隊，作客更兩連敗，今次作客奧厄，即使受讓平半，都寧願捧奧厄上盤。另外，法蘭克福狀態大勇，連續兩場贏四比一，今仗主場炒得起柏林聯，要「讓球主勝」。