華倫小虎勢猛大炒格

猪拉多纳

01/10/2011
文： 山度士

周日凌晨有場西甲華倫西亞主場鬥CF格蘭納達，華倫對上兩次主場先後打和巴塞隆拿及車路士，表現絕對唔曳，佢哋已經連續三場比賽未贏過，今於主場迎戰降班熱門CF格蘭納達，淨勝兩粒係基本消費，除捧「讓球主勝」之外，心水波膽係「2:0」或「3:1」。（now 632及660周日凌晨2時直播）




華倫近年放走大衞施華、韋拿、桑馬達等國腳，但佢哋好肯畀機會本土或年輕球員，加上踢法重整體配合，所以今季成績並未太大走樣。




雖然華倫西亞最近兩場聯賽都失分，不過一場對手係巴塞，另一場則作客西維爾，唔怪得球員，始終巴塞係目前西甲、甚至全歐洲最強嘅球隊，華倫能夠同佢哋抗衡到底已經有交代。


CF格蘭納達唔夠班


升班馬CF格蘭納達開季五場聯賽，最叻係喺主場擊敗維拉利爾，其他時間表現乏善足陳。




佢哋之前兩場作客聯賽都輸波，而且一球都入唔到，面對急於求勝嘅華倫應該凶多吉少。




如果嫌主W賠率太熱冇肉食，可向「讓球主勝」埋手。此外，個人對華倫防守頗有信心，首選推介「2:0」波膽，如果大家唔認同度士，覺得主隊會失波，建議敲主隊勝「3:1」。

山度士

前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。