捧彼德堡主W嗒晒唐

猪拉多纳

01/10/2011
文： ComboKing

今晚英冠有多場好嘢，阿King精選咗3場推介畀大家。首先魚腩唐卡士打又作客，當然要追住嚟反，必捧主場彼德堡W。彼德堡表現正氣，上仗又轟入樸茨茅夫3粒，回復強勁攻力，唐卡士打作客4連敗聽做炮灰！（周六晚10時開賽）




阿King同跟開英冠嘅拿仁傾開，大家都一致認定唐卡士打係降班膽。呢隊波攻不銳守不穩，可以話係瓣瓣冇，近兩仗能保不敗，都係靠僅餘主場威力，今晚作客肯定現形。




彼德堡本季升班後表現出奇地理想，近期贏般尼同樸茅都好有說服力，今場撐1.62倍主W好正路。另一場雷丁主場對米杜士堡，米堡戰術保守但後防硬淨，近7戰6場開細，今場作客當然唔會冒進，雷丁本身亦非擅攻球隊，或會老鼠拉龜，宜捧細盤。


卡迪夫城作客有計


最後要埋卡迪夫城，球隊本季不敗率近九成，作客主場威力一般嘅侯城，必揀讓球客勝。