國米專剋拿玻里

猪拉多纳

01/10/2011
文： 郭球奇

自從換帥後，國際米蘭近期狀態返晒嚟，更重要係連運都有埋，好似今晚喺意甲主場硬撼拿玻里咁，賽前就收到對方主力射手卡雲尼肯定打柴呢個好消息，睇嚟好大機會可延續過去16年聖西路專剋拿玻里嘅佳績，再下一城開出1.84倍主W！（廣東體育周日凌晨2:45直播）


藍黑軍有史坦高域傷愈


國際米蘭自換上前羅馬教頭雲尼亞里執教後，成績180度大變，繼作客擊敗博洛尼亞打開意甲勝利之門後，啱啱又喺歐聯作客擊敗莫斯科中央陸軍取得2連勝，難怪賽後連班主莫拉堤都大讚雲尼亞里表現超出預期。




據意大利傳媒報道，「藍黑兵團」之所以回勇，最主要係教練雲尼亞里肯聽球員意見，打番用開嘅442或4312陣式，從而增強球員心理質素。雖然國米今場繼續有中場史奈達缺陣，中堅蘭奴捷亞停賽，前鋒柏仙尼又因為周中歐聯拗柴極大機會避戰，好彩喺歐聯唔合乎資格上陣嘅射手科蘭可以復出，何況中場史坦高域亦已傷愈可隨時候命，整體實力仍然強勁。


拿玻里射手卡雲尼打柴


對家拿玻里今季繼續神勇，周中歐聯仲擊敗維拉利爾，可惜射手卡雲尼卻勇戰受傷，今晚肯定倦勤，其位置將由彭迪夫頂替，雖則話呢位馬其頓前鋒今晚倒戈，鬥心肯定爆燈，但佢嘅質素同狀態始終同卡雲尼始終有一段距離，唔似威脅到舊隊友條防線。




更何況翻查歷史，原來拿玻里自94年12月後，再未試過喺聖西路贏國米，而且每場至少失2球，格食格到咁，睇嚟今晚都係凶多吉少！


藍黑兵連開3口大


‧近8戰2勝3和3負，連續3場開大。

‧近5次交手保持不敗，獲2勝3和。

拿玻里半場夠硬淨

‧近8戰4勝2和2負，半場只試過1次落後。

‧聯賽射入3球嘅卡雲尼肯定缺陣。

國米主場恰死拿玻里

日期 戰果

11/01/07 國際米蘭 3:1 拿玻里

09/09/23 國際米蘭 3:1 拿玻里

08/11/30 國際米蘭 2:1 拿玻里

07/10/06 國際米蘭 2:1 拿玻里

00/10/14 國際米蘭 3:1 拿玻里

98/02/28 國際米蘭 2:0 拿玻里

97/05/25 國際米蘭 3:2 拿玻里

96/02/11 國際米蘭 4:0 拿玻里