阿仙奴去年勁賺1.8億

猪拉多纳

02/10/2011


十五年前嘅十月一日係雲格上任阿仙奴領隊大日子，一轉眼多年過去，雲格話希望再多做十五年，將阿仙奴打造為全球最強球隊。雖然兵工廠目前成績一般，但盤數就做到有聲有色，剛過去年度稅前勁賺1,480萬鎊（約1.8億港元），出年盈利更會大幅上漲，雲帥個位真係穩如泰山。


雲格領軍15周年


雲帥雄心壯志，寄望多一個十五年：「能留在阿仙奴咁耐，我的確好幸運。而我目標從來冇變，就係要令兵工廠成績全球第一。今場北倫敦打吡，係我執教生涯最重要打吡戰，我哋必定全力以赴。」阿仙奴10至11年度，營業額為2.56億鎊，稅前盈利好可觀，而本年度出售法比加斯同拿斯尼，必定賺得更多。另外，迪絲維絲姬話佢男友施捷斯尼，亦希望多留隊十五年，繼施文後成球隊另一個傳奇門將。