華拉倫加國家打吡嚟料

猪拉多纳

02/10/2011
文： 渡邊年

開始翻風，又提起食粥嘅興趣，睇完英超波，食碗夜粥都幾爽。大班朋友如喺油尖旺一帶睇波，可以試吓去佐敦食碗傳統生滾粥。




渡邊年食開一間喺吳松街，唔同曾經火燭嘅另外一間，火燭嗰間廿四小時，吳松街呢間一品粥只係開到凌晨三點，但粥底更甜更綿，而且做魚粥做得好專業。




魚鰾、魚鮫、魚嘴、魚頭、魚尾分得清清楚楚，而且好鮮甜，仲有唔係好多地方食到嘅撈魚皮。此外，呢度嘅蜆介鯪魚球同鮮蝦腸粉亦係一流。


白蘭恩主場讓唔起


講開都有啲流口水，嗱嗱聲寫完稿就落去。今日心水係華拉倫加（圖），成隊都似食咗夜粥一樣，搞掂洛辛堡之後，士氣正盛今場再出戰國家打吡作客對白蘭恩，受讓捧「讓球客勝」，再補少少客W。




（周一凌晨零時開賽）