祖記銀彈拋窒AC

猪拉多纳

02/10/2011
文： 巨高

本周意甲重頭戲一定係祖雲達斯主場對AC米蘭，今季祖記大灑金錢力圖重振聲威，喺母公司快意車廠無限量支持下，「老婦人」頓成意甲大花筒，除獲大量新球員加盟之外，仲起個新球場，全面挑戰聖西路（AC∕國米主場）喺意國嘅足球聖地位置。論花費論氣勢，祖記都稍勝一籌，加埋主場之利更值得睇好，讓平半揀上盤。（now 633周一凌晨2時45分直播）


阿尼利揼本重建斑馬王朝


祖雲達斯向來作風保守兼理財審慎，但自從莫吉時代終結後，管理方針出現重大變化，年僅三十五歲嘅會長安迪亞阿尼利，成為祖記改革嘅發起人。今季阿尼利家族為祖雲達斯作龐大投資，一來想清洗莫吉時代嘅陰影，二來係要鞏固阿尼利家族喺球會以至都靈市嘅崇高地位。對於安迪亞阿尼利，呢項投資可謂不容有失，今次與米蘭市貝氏家族所擁有嘅AC米蘭正面對撼，點只三分咁簡單，祖記直頭背負住整個家族嘅榮辱而戰。


「貝氏家族」老嘅煩細嘅嫩


面對祖記銀彈戰術，AC當然唔好受，奈何老闆貝魯斯干尼因國家經濟問題搞到周身唔得閒，抗衡重責就落喺囡囡芭芭拉身上。可惜女兒管理經驗尚淺，未能為球隊制訂出長遠發展大計，今季衞冕路途將會相當難行，未來前景亦令人擔憂。




就以今場為例，AC傷兵滿營，教練阿里基未能施行輪換制度以減輕球員負擔，而面對今季冇歐聯跟身嘅祖雲達斯，AC喺體力一環輸晒，受讓都唔睇好。