尋找港版「梅示敦」

猪拉多纳

02/10/2011
文： 黃興桂

俄羅斯球會安治成為了全球焦點，事關佢哋今季效法曼城，「燒錢」買大牌球星，勢要打造一支歐洲強隊。不過Peter永遠唔睇好呢類球隊，首先過氣球星只係得個名，實質作用已經唔大，再者成功往往需要時間去累積，正如巴塞隆拿及曼聯等偉大球會，有資源之餘，亦懂得青訓，加上有好教練去領軍，如果用錢就可以攞冠軍，足球賽事又點會咁扣人心弦呢。




講起教練，香港隊近日亦正為覓帥而煩惱，而球隊日前在龍騰盃首戰中，只能以三比三逼和菲律賓，賽果頗令人失望。其實香港男足成績之所以停滯不前，Peter覺得有兩大原因，第一係球會同足總常常缺乏協調，搞到港隊出戰，每每都唔能夠派出最強陣容比賽，成績又點會好呢。


港足兩大死症


第二就係港隊缺乏團隊精神，呢方面多少因為港隊冇一個國際級教練去鎮壓球員，老實講單係紀律已經做得唔好，仲講乜嘢爭成績。其實今屆龍騰盃除咗關注香港隊之外，亦可以留意埋菲律賓，皆因曾經在港甲比賽過嘅梅示敦，因媽媽屬菲律賓人，已經獲菲律賓國家隊徵召出戰龍騰盃。


成功須苦幹


雖然梅示敦在港發展並不如意，但佢一直未有放棄，堅持夢想刻苦操練，終可在國際舞台展翅。如果香港球員都能夠有梅示敦那份鬥心，香港隊就有救。


金句：「廚房就有Microwave，球場就冇即食麵！」