葛度爾古斯貪盃冇着「素」

猪拉多纳

03/10/2011
文： 朱楓

咪以為淨係歐洲強隊先要一周雙賽，查實好多南美球隊都係！好似阿甲嘅葛度爾古斯咁，早幾日先踢完南美球會盃，相信聽朝喺阿甲主場出擊又會作出輪換，對住要爭分護級嘅聖羅倫素，朱楓會捧1.65倍「讓球客勝」！（開賽時間：周二早上6:25）




上季排第3嘅葛度爾古斯，今季成績差咗好多，主要係因為要兼顧盃賽，日前呢支綽號「快遞」嘅球隊，出戰南球盃16強首回合，主場僅和秘魯體育大學1:1，雖則次回合要到今個月21號先踢，但話晒啱啱踢完場大戰，相信今場會畀部分主力休息，畢竟葛度爾古斯喺阿甲打咗9場後只排中游，爭標機會已經好微，倒不如集中火力爭盃好過。


聖羅倫素要搶分護級


聖羅倫素上場主場打和競賽會後，已保持兩場不敗，排喺中游位置睇落好似冇乜問題，查實累積近3季成績，已經跌落尾四嘅降班區。雖然外號「氣旋」嘅佢哋，今場有前鋒迪亞高馬天尼斯同後衞加斯頓阿古利缺陣，前鋒拿侯爾賓尼迪斯、中場奧利安奴托利斯同後衞柏洛文奴又上陣成疑，但就有中場尼斯圖奧迪高沙同後衞施巴斯坦隆拿復出，而且冇盃賽跟尾，作客葛度爾古斯絕對有本錢搶分。