布倫瑞克射手着火捧上盤

猪拉多纳

03/10/2011
文： 洪心Dee

今晚德乙獨腳戲會上演前列大戰，今季新升班表現奇好、現時排第5嘅升班球隊布倫瑞克，會喺主場迎戰排第4位嘅杜塞爾多夫。雖然兩隊近況都唔錯，睇落好似好難分高低，但話晒主隊射手古普基着晒火，面對住近仗防線唔多穩陣嘅杜塞爾多夫，主隊讓平半記得捧上盤！（開賽時間：周二凌晨2:15）


杜塞爾多夫守將停賽


布倫瑞克今季主場聯賽都有水準演出，5戰取得3勝1和1負，今仗最值得留意嘅係德國前鋒古普基，呢位喺「愚人節」出世嘅射手絕對冇大整蠱，近排交到功課係咁入波，尤其喺主場更加醒神，5戰有4場有波入，相信今仗士哥會繼續嚟。




杜塞爾多夫跨季聯賽不敗紀錄已增至16場，不過佢哋近3仗都要失2球，防線似乎唔多集中，最慘係今季表現不俗嘅守將保迪錫，上仗領得季內第5面黃牌，要停賽1場，今仗作客有一定實力嘅布倫瑞克，連場不敗走勢極有可能斷纜。